Alfonsu VII

Alfonsu VII multiplica los talleres y los xeitos. En Llión arranca col dineiru del árbol de Xeséi (ANFUSREX / LEOCIVITAS) y sigue col llión de LEONIS CIVIT, la intitulación INPERATOR y series que proclaman a Llión comu CAPVT ISPANIE. Las abadías de Sahagún y la sede compostelana mantienen concesiones; Llugu y Ouviéu aparecen en miayas rarísimas; a Salamanca concédesele el terciu de la moneda en 1137. El repartu de los sous 112 xeitos ente Llión y Castiella yía la principal zona gris de la numismática del periodu: MOMECA ordénalos por referencia a población (Llión, Toledu, Segovia, Ávila, ensin población) y esti catálogu namás inclúi los llïoneses.