Alfonsu VI
Rei de Llión dende 1065 y de Castiella dende 1072, conquistador de Toledu (1085). Con él naz la moneda propia del reinu: los primeiros dineiros de vellón con crismón acunnáus en Llión y la concesión compostelana a Xelmírez.
Ata Alfonsu VI el reinu de Llión nun acunnó moneda propia: circulaban dírhams andalusíes, sueldos de cuenta y moneda francesa traída pol Camín de Santiagu. Las primeiras emisiones cristianas del reinu aparecen en Toledu depués de 1085 y, en Llión, hacia 1103-1108, cola cruz en anversu y el crismón con alfa y omega en reversu, un xeitu que los sous sucesores mantendrán comu senna d'identidá llïonesa. Roma Valdés (2024) sitúa l'arranque de las acunnaciones antes de 1088, con monedeiros procedentes de Chartres. Quedan fuera d'esti catálogu las emisiones toledanas y castellanas.
En 1108 el rei concede al obispu Diegu Xelmírez el derechu d'acunnar en Santiagu: el dineiru ANFUSREX / SIACOBI yía la primeira moneda episcopal de la Península.
